Фарғонага ота-ўғил Абдураимовлар келади
25 feb 2018 17:59
News

Фарғонага ота-ўғил Абдураимовлар келади

1 март куни Фарғонадаги "Истиқлол" стадионида "Нефтчи" ҳамда "Насаф" жамоалари мавсумнинг илк баҳсида ўзаро беллашишади.

Айни кунда Фарғона вилояти ҳокимлиги, вилоят футбол федерацияси, "Нефтчи" ПФК ҳамда "Истиқлол" стадиони мутассадлари очилиш баҳсига катта тайёргарлик ишларини олиб боришмоқда.

Мухлислар учун яхши хабаримиз бор. Фарғонадаги учрашувга ўзбек футболининг барҳаёт афсонаси, мамлакатимизда каттаю-кичик мухлиснинг қадрли футболчиси бўлган Биродар Абдураимов ҳамда 1994 йилги Осиё ўйинлари ғолиби бўлган яна бир афсона Азамат Абдураимов таклиф этилди.

Футболимизнинг таниқли вакиллари "Нефтчи" - "Насаф" баҳсида рамзий маънода тўпни ўйинга киритиб беришади ва шунинг билан Фарғонада катта футбол мавсуми старт олади.