Фарғонада “Болалар лигаси” футбол мусобақаси ўтказилди

Ўйинлар Фарғона, Қўқон, Марғилон шаҳарлари ҳамда Риштон туманида 4 та гуруҳга бўлинган ҳолда ташкил этилди. Ўз гуруҳларида 1 ва 2-ўринни олган жамоалар Марғилон шаҳрида ўтказилган финал босқичида майдонга тушдилар.

Ўзаро ўйинлар натижасига кўра 3-ўринлар Марғилон шаҳар 1-БЎСМ ва Фарғона шаҳар “Нефтчи” БЎФМ жамоарига насиб этди. Финал ўйинида Фарғона футбол академияси жамоаси Марғилон шаҳар 2-БЎСМ жамоасига қарши майдонга тушиб 0:4 ҳисобида мағлубиятга учради. Натижада Марғилон шаҳар 2-БЎСМ жамоаси вилоят чемпионлигини қўлга киритди. Мусобақаларда жами 15 жамоа сафида 380 нафар ёш футболчилар иштирок этдилар.

Ғолиб ва совриндорларга вилоят Футбол ассоциацияси ҳамда ҳомийлар томонидан тегишлича диплом ва совғалар топширилди. Ўйинлар маҳаллий ва Республика оммавий ахборот воситаларида кенг ёритилди.

Энди 22-29 апрель кунлари 2006 йилда туғилган болалар ўртасидаги мусобақаларга старт берилади.