"Фарғонада болалар футболи бўйича "Вилоят биринчилиги" ташкил этилди

Мусобақа вилоятнинг Фарғона, Қўқон шаҳарлари, Бувайда ва Фарғона туманларида ташкил этилди. Унда 15 та жамоа таркибида 300 нафардан ортиқ футболчилар иштирок этдилар.

Мусобақанинг якуний натижаларига кўра, 1-ўринни "Нефтчи" БЎФМ жамоаси, 2-ўринни Фарғона тумани 2-БЎСМ жамоаси, 3-ўринларни Фарғона шаҳар 1-БЎСМ ва Қўқон шаҳар 2-БЎСМ жамоалари эгалладилар.

Совриндор жамоалар вилоят Футбол ассоциацияси томонидан тегишли дипломлар, медаллар ва футбол тўплари билан тақдирландилар. Ғолибларга совринни Фарғона вилояти Футбол Ассоциацияси 1-вице президенти Расулжон Юлдашев топширди.

Тақдирлаш маросими вақтида биз ёш чемпионлар фикрлари билан қизиқдик.

Амирбек Бердиев (тажрибали футболчи Анвар Бердиевнинг фарзанди): - Мен келажакда худди дадам каби маҳоратли футболи бўлишни ўз олдимга мақсад қилганман. Агар яхши футболчи бўлиб етишсам, кучли жамоаларда ўйнасам дадамнинг мени келажакда яхши футболчи бўлиб етишишим ҳақидаги ниятларини амалга оширган бўламан. Ўзбекистон терма жамоасида ўйнашни ният қилганман - дейди ёш футболчи.

Нурмуҳаммад Фазлиддинов (мусобақанинг энг ёш футболчиси): Бу мусобақа яхши ташкиланди, мана бугун финал учрашувида рақибларимизни йирик ҳисобда мағлубиятга учратиб, чемпион бўлдик. Келажакда дунё танийдиган футболчи бўлиб етишиб, Ўзбекистон терма жамоаси ютуқларига ўз ҳиссамни қўшмоқчиман - дейди ёш чемпион.

Бекзод Толибов тайёрлади