Фақат битта йўл қолди

Ўзбекистон терма жамоаси жой олган "D" гуруҳи доирасида кеча Фаластин ва Сингапур терма жамоалари ўзаро баҳс олиб боришди. Унда фаластинликлар 4:0 ҳисобида ғалаба қозонишди.

Palestine Tamer Seyam - 19', Oday Dabbagh - 23', Tamer Seyam - 30', Yasser Hamed - 85'

World Cup Qualification AFC 2nd Round Grp. D . Round 7 04/06/2021, 00:00 0 : 4 Finished

Singapore

Stadium: 294 spectators

45'

90'

19'  Tamer Seyam

23'  Oday Dabbagh

26'  Musab Al Battat

30'  Tamer Seyam

48'  Mahmoud Abuwarda

67'  Layth Kharoub (Khaled Salem)

73'  Tamer Seyam (Mohammed Darwish)

80'  Mohammed Rashid (Mohamad Darwish)

80'  Mahmoud Abuwarda (Badr Moussa)

80'  Mohammed Yamin (Oday Kharoub)

85'  Yasser Hamed

18'  Madhu Mohana

46'  Irfan Fandi (Faris Ramli)

46'  Gabriel Quak Jun Yi (Baihakki Khaizan)

65'  Hafiz Nor (Saifullah Akbar)

77'  Nazrul Ahmad Nazari (Zulqarnaen Suzliman)

88'  Shakir Hamzah (Hafiz Abu Sujad)

Open in Match Center

Вакилларимиз Ар Риёддаги юришларини 7 июнь куни Сингапурга қарши баҳс билан бошлашади. Шу сабаб бўлажак рақибнинг ўйинини кузатдик. Биз учун Фаластиннинг гуруҳда сўнгги поғонани эгаллаши муҳим эди, буни кўп бор айтиб келдик. Сабаби, агар фаластинликлар охирги бўлишса ва биз биринчи эмас, иккинчи бўлиб қолсак, у ҳолда биздан 3 очко олиб ташланарди. Яъни, КХДР саралашдан четлатилгани боис иккинчи ўринни олган жамоаларнинг гуруҳда охирги бўлган рақиблари билан учрашувлардаги очколари олиб ташлангани ҳолда ҳисоб-китоб қилинади. Агар Абрамов шогирдлари биринчи бўла олишса, унда бу қоиданинг бизга бир томчи ҳам алоқаси қолмайди. Лекин, барча иккинчи ўринлар учун бу амалда бўлади. Бир сўз билан айтганда Ўзбекистоннинг барча беллашувларда ғалаба қозонишини кутганимиз каби Фаластиннинг ҳамма ўйинини бой беришига умид қилишимиз керак эди. Кеча эса иккинчи ҳолат деярли "ухлади". Назарий жиҳатдан Фаластин ҳамон охирги бўлиши мумкин. Лекин, вазиятга реал баҳо берсак бу энди қийин.

Фаластин кеча Сингапурга ҳеч қандай имкон қолдирмади. Биринчи бўлимда уч кун кейинги рақибларимиз бирорта ҳужум ҳам уюштира олишмади. Ўйин томонлама Сингапур жуда ҳам "қашшоқ". Бу жамоани ортиқча қийинчиликсиз йирик ҳисобда ютишимиз керак. Ҳимоячиларининг кечаги ҳаракатларини кўриб ҳайрон қолдим. Фаластин эса аксинча, менда жуда яхши таассурот қолдирди. Улар ўзгача иштиёқ билан ўйнашди, бизга ҳам олдиндаги беллашувларда мана шундай иштиёқ жуда ва жуда зарур. Фаластин эса кечаги ҳолатида 15 июнь куни Яманни ҳам мағлуб эта олади. Кўриниб турибдики, энди биз Фаластиннинг охирги бўлишидан умид қилмаслигимиз керак. Улар гуруҳда бешинчи бўлишмайди ва биз иккинчи бўлиб қолган тақдиримизда биздан 6 очко олиб ташланиши мумин, агар Саудиягача Сингапур ва Яманни мағлуб этсак.

Ўзбекистон терма жамоаси олдида эса фақат битта йўл қоляпти - Саудия Арабистонини мағлуб этиш. Чунки, иккинчи ўрин биз учун таваккал дегани. Ҳозир таваккал қила оладиган ҳолатда эмасмиз.

Кечаги ўйиндан кейин гуруҳимиздаги ҳолат.