Фаолиятини якунлаган "Истиқлол" мураббийи Анвар Бердиев: "Фақат футболчиларга ачинаман"

Ҳолатга батафсил ойдинлик киритиш мақсадида жамоа мураббийи Анвар Бердиевга юзландик.

"Кеча "Оқ-тепа" билан ўйиндан кейин жамоа бошлиқлари кириб бошқа йиғилмасликни айтишди. Жамоамизни олдиндан қийнаб келаётган муаммолар, стадион билан боғлиқ муаммолар ўз таъсирини ўтказмасдан қолмади. Вазият шунга қараб кетаётган эди. Бугун ҳам ишга бормадим, машғулотлар ўтказилмади. Про лигада ёмон иштирок этаётганимиз йўқ. Футболчилар майдонда бор кучлари билан ўйнашмоқда. Фақат, футболчиларга ачинаман. Ҳозирда бошқа жамоага ўтишнинг иложи йўқ. 3 ой футболсиз қолиб кетишади. Лекин, клубни ёпилиши ҳақида аниқ бирор нарса дея олмайман. Клуб директорлари ҳомийлар билан гаплашишаётганини айтишди",- дейди Анвар Бердиев.