Фалкаонинг ЖЧда иштирок этиш имконияти 55 фоиз
08 feb 2014 17:15
News

Фалкаонинг ЖЧда иштирок этиш имконияти 55 фоиз

"Монако" ҳужумчиси Радамел Фалкао 25 январь куни Порту шаҳридаги шифохоналардан бирида операция қилинганидан хабарингиз бор.

Уни даволаётган шифокор Хосе Карлос Нороня Фалкаонинг Бразилияга бориш имкониятлари бироз яхшиланганини таъкидлади.

"Дастлаб, операциядан сўнг Фалкаонинг ЖЧда қатнашиш имконияти 50 фоиз, деб айтиб ўтгандим. Энди эса бу фоиз бироз яхшиланди. Энди Радамелнинг Бразилияга бориш имконияти 55 фоизга тенг", - деди Нороня.

Фалкао ҳозирда Портуда даволаниш жараёнини ўтказмоқда. Унинг аҳволи анча яхшиланган ва ўзини жуда яхши ҳис этмоқда. Аммо унинг мундиалда қатнашиши ҳамон юз фоизга аниқ эмас.

Эслатиб ўтамиз, Колумбия терма жамоаси ЖЧдаги дастлабки ўйинни 14 июнь куни Грецияга қарши ўтказади.

Link :

Source : weltfussball.de

Receive latest football news directly on your phone. Subscribe for our Telegram channel!

Rating: