Факт: Қатар ЖЧ-2026 саралашида меҳмонда ҳали ғалаба қозонмади. Сафардаги сукунат давом этадими?

Эртадан охирги тур беллашувлари старт олади. Қатар терма жамоаси саралашни меҳмонда Ўзбекистонга қарши учрашув билан якунлайди. Қизиқ факт шуки, тўқ қизил ранглилар мазкур саралашда меҳмонда ғалаба қозонгани йўқ. Фақат бир маротаба дуранг қайд этишди, холос. Рақиблари майдонида эса 4 та ўйинда 4 та тўп киритди. Қуйида умумий натижаларга разм соламиз. 

КХДР - Қатар 2:2

Эрон - Қатар 4:1

БАА - Қатар 5:0

Қирғизистон - Қатар 3:1

Хулен Лопетеги шогирдлари охирги бор  меҳмонда 2023 йилнинг 21 ноябрь куни Жаҳон чемпионати иккинчи саралаш босқичида Ҳиндистон устидан зафар қучган эди.

Ўзбекистон - Қатар учрашуви 10 июнь куни 18:45да "Бунёдкор" стадионида старт олади.