Файерлар учун Англияда мухлисларни қамоққа олишлари мумкин

Англия стадионларида пиротехника махсулотларига қарши кураш кампаниси бошланди, дея хабар бермоқда  ВВС. Яқинда бундай махсулотлар билан боғлиқ кўнгилсиз воқеалар "Уэмбли" ва "Вилла Парк" стадионларида содир бўлди.

"Ушбу кампания давомида биз мухлисларга шундай деймиз: "Тушунамиз, сизлар буни кўнгилхушлик деб ҳисоблайсизлар. Лекин айни вақтда бу жуда хавфли ҳамдир. Ўзингиз учун ҳам, атрофдагилар учун ҳам. Бунинг оқибати сизлар учун турлича бўлиши мумкин. Сизларни стадионга ташриш буюришни таъқиқлаб қўйишимиз ва ёмон ҳолатда озодликдан махрум қилишгача олиб боришимиз мумкин. Бундай кўнгилсизликларга биргаликда ҳаракат қилган ҳолда йўл қўймасликка ҳаракат қилишни истардик", дея АПЛ вакиласи Кэт Лонгдан ВВС иқтибос келтиради.