ЕВРО-2020 га йўл олган яна тўрт жамоа номи маълум бўлди
17 nov 2019 03:34
News

ЕВРО-2020 га йўл олган яна тўрт жамоа номи маълум бўлди

Германия, Голландия, Хорватия ва Австрия терма жамоалари ҳам мусобақа чипталарига эга чиқишди.

С гуруҳи вакиллари Германия ва Голландия терма жамоалари қитъа чемпионатининг финал босқичига йў олишди.

Бугун Белорусияни (4:0) мағлуб этган Германия гуруҳда 18 очко билан биринчи, Шимолий Ирландия билан нурсиз дуранг ўйнаган голландлар 16 очко тўплагани ҳолда иккинчи ўрин билан мусобақага йўл олишди.

Словакияни мағлуб этган Хорватия (3:1) 8-турдан кейин E гуруҳида карвонбоши бўлиб турибди. Венгрияда 12, Уэльсда эса 11 очко бор. Шу тариқа хорватлар Евро-2020 нинг навбатдаги иштирокчисига айланишди.

Шимолий Македонияни мағлуб этган австрияликлар 19 очко тўплаб G гуруҳи ғолиби сифатида мусобақа чипталарини нақд қилишди. мазкур гуруҳда иккичи ўринни эгаллаб турган Словения терма жамоаси ҳисобида эса 14 очко бор.