Евро-2016 саралаш босқичи қандай кечиши аниқлаб олинди

54 та миллий терма жамоа 9та гуруҳга бўлинади, ҳар бир гуруҳда 6тадан жамоа бўлади. Улар финал босқичига берилган 23та йўлланма учун курашишади. Қизиғи чемпионат мезбони Франция автоматик тарзда Евро-2016га йўлланма олиб бўлган, аммо жамоа барибир гуруҳдан жой олади ва рақиблар билан ўртоқлик учрашувига тенг бўлган ўйинларни ўтказади. Яъни, Франция иштирокидаги ўйин натижаларининг саралашга ҳеч қандай аҳамияти бўлмайди.

Гуруҳларда дастлабки икки ўринни олган жамоалар чемпионатга тўғридан-тўғридан йўл олишади. Учинчи ўринни олган энг яхши кўрсаткичга эга бўлган жамоа ҳам юқоридаги жамоалар сафига қўшилади. Қолган 8та гуруҳда учинчи бўлган жамоалар эса қолган тўртта йўлланма эгасини плей-офф орқали аниқлаб олишади.