Эвра: "Агар Роналду 2050 йилгача ўйнашни истаса, у "Ювентус"га ўтиши керак"
09 jul 2018 11:19
News

Эвра: "Агар Роналду 2050 йилгача ўйнашни истаса, у "Ювентус"га ўтиши керак"

Франция терма жамоаси собиқ ҳимоячиси Патрис Эвра "Реал" ҳужумчиси Криштиану Роналдунинг "Ювентус"га ўтиши ҳақида фикр билдирди.

"Бу мавзуда Криштиану билан суҳбатлашганим йўқ, аммо унга маслаҳатим бор: Агар Роналду 2050 йилгача ўйнашни истаса, "Ювентус"га ўтиши керак. Бошқа жамоа йўқ, ҳаммаси оддий.

"Ювентус"дан миннатдорман, чунки "Манчестер Юнайтед"дан сўнг фақат шу клубда ўйнаб, ғалабага эришдим. "Юве" бир умр қалбимда қолади.

Криштиану, тўғри қарор қабул қил. Италияликлар сени қандай қадрлашини биласан. Агар "Ювентус"га ўтишга қарор қилсанг, тер тўкиб ишлашингга тўғри келади. Шунчалик кўп ишлайсанки, таътилни унутасан.

Бу танлов. 2050 йилгача ўйнашни танлайсан ёки фаолиятингни якунлаш қўйиш борасида қарор қабул қиласан. Агар "Юве"ни танласанг, келаси жаҳон чемпионатига асосий қаҳрамон ролида борасан" - дейди Эвра.

Эслатиб ўтамиз, Патрис 2014-2017 йилларда "кекса синьора" шарафини ҳимоя қилган.

Link :

Source : Football Italia

Receive latest football news directly on your phone. Subscribe for our Telegram channel!

Rating: +24