Эшитдик-да! Санжар Рашидов "Сўғдиёна" машғулотларига қўшилди

Эшитишимизга қараганда футболчи айни пайтда Жиззах клуби машғулотларига бориб қўшилган ва катта эҳтимол билан иккинчи даврадан бошлаб яна собиқ клуби сафида ўйнай бошлайди.

Йил бошида "Сўғдиёна"дан "Насаф"га кўчиб ўтган Рашидов Қарши клуби сафида ўз ўйинини топа олмади. Санжар Суперлигада "аждарлар" сафида иккита учрашувда майдонга тушди холос.

9-турда "Насаф" - "Сўғдиёна" учрашувидан сўнг мезбонлар бош мураббийи Рўзиқул Бердиев футболчи ҳақида берилган саволга қуйидагича жавоб берди: "Санжар Рашидов билан оғзаки келишувга эришдик, у жамоамизни тарк этади. Афсуски, Рашидов жамоамиз ўйинига киришиб кета олмади. Кўпроқ захирада қолиб кетгани, уни ҳам бизни ҳам қониқтирмайди. Бу ёшдаги футболчи ўйини қовушадиган жамоада фаолият юритгани маъқулроқ".