Эшитдик-да! Қирғизистон терма жамоасининг янги бош мураббийи ким бўлиши маълум
13 jun 2024 18:52
News

Эшитдик-да! Қирғизистон терма жамоасининг янги бош мураббийи ким бўлиши маълум

Tags : Максим Лисицин Қирғиз Республикаси

Бугун Қирғиз Республикаси бош мураббийи Штефан Таркович истеъфога чиқарилгани ҳақида хабар бергандик.

Championat.asia сайти маълумотига кўра, терма жамоанинг янги бош мураббийи россиялик 46 ёшли мутахассис Максим Лисицин бўлади. Ушбу мураббий 2020 йилдан буён Қирғизистонда ишлаб келмоқда. 2020-2023 йилларда "Илбирс"да фаолият олиб борган Лисицин 2023 йилдан бошлаб "Дордой" ва Қирғизистон олимпия терма жамоаси бош мураббийига айланган эди.

Бизнинг фикримизча Қирғиз Республикаси футбол уюшмаси терма жамоани ёшартирмоқчи ва 2027 йилги Осиё кубогига муносиб тайёрлашмоқчи. Максим Лисицин эса ёшлар билан ишлашни яхши билади.

Маълумот учун, Қирғизистон терма жамоаси ўз тарихида илк бор Жаҳон чемпионати саралаши 3-босқичига чиқди.