Эшитдик-да! "Пахтакор" - "Олмалиқ" ўйини қолдирилиши мумкин

Шу куни тўртта учрашув бўлиб ўтади ва улардан бири "Пахтакор" - "Олмалиқ" баҳсидир.

9 март куни Ўзбекистон олимпия терма жамоаси ўртоқлик ўйини ўтказиш учун Вьетнамга йўл олишини ҳисобга олсак, "Пахтакор" - "Олмалиқ" учрашуви бошқа муддатга қолдирилиши мумкин, қачонки "Пахтакор"дан камида беш нафар футболчи олимпия терма жамоасига чақирилса.

Бу йилги регламентга кўра, миллий терма жамоага уч, олимпия терма жамоасига эса беш нафар ўйинчисини берган клуб ўз ўйинини бошқа муддатга қолдириши мумкин. Ҳозирда "Пахтакор"дан Владимир Козак, Игорь Сергеев, Жамшид Искандеров, Жалолиддин Машарипов, Тимур Ҳакимов сингари футболчилар олимпия терма жамоасига номзод ҳисобланади.