⚡️Эшитдик-да! "Пахтакор" "Барселона" собиқ футболчисига қизиқмоқда
05 jul 2023 18:18
News

⚡️Эшитдик-да! "Пахтакор" "Барселона" собиқ футболчисига қизиқмоқда

Ўзбекистон чемпиони ёзда ўз таркибини кучайтирмоқчи.

Championat.asia сайти маълумотига кўра, "Барселона", "Эвертон" клублари собиқ футболчиси, Колумбия терма жамоаси сафида 40та ўйинда 7та гол урган марказий ҳимоячи Йерри Минага "Пахтакор" қизиқмоқда. Айни пайтда эркин футболчи бўлиб турган Минанинг агенти билан музокара давом этмоқда.

1994 йилда туғилган 195 см бўйга эга марказий ҳимоячи "Палмейрас" сафида 2016 йил Бразилия чемпиони бўлган, 2018 йил "Барселона" билан Испания чемпиони ва Қирол Кубоги соҳиби бўлган. 2018 йилги Жаҳон чемпионатида Колумбия терма жамоаси шарафини ҳимоя қилган ва 1/8 финалга етиб борганди.