Эшитдик-да! "Олимпик" футболчиси кеча жамоа билан хайрлашди, у тез орада "Пахтакор" сафига қўшилади

Олмалиқда "Металлург" жамоаси "Олимпик"ни қабул қилди. Ўйин Тимур Кападзе шогирдларининг 4:1 ҳисобидаги ғалабаси билан якунланди.

"Championat.asia" олган маълумотга кўра, кеча учрашувдан кейин "Олимпик" ярим ҳимоячиси Иброҳим Ибрагимов бутун жамоа билан хайрлашган. 23 ёшли футболчи яқин кунларда "Пахтакор" жамоаси сафига бориб қўшилади. Томонлар ўзаро келишувга эришиб бўлишган.

Ибрагимовнинг трансфер ҳуқуқи "Металлург" жамоасига тегишли ҳисобланади.

Эслатиб ўтамиз, кеча Иброҳим Ибрагимов "Олимпик" сафида хет-трик қайд этди ва жамоадан кетишида чиройли нуқта қўйиб кетди.