Эшитдик-да: Олий лиганинг етакчи клублари ҳалол футбол борасида келишиб олишган
13 mar 2015 15:35
News

Эшитдик-да: Олий лиганинг етакчи клублари ҳалол футбол борасида келишиб олишган

Олий лиганинг 1-туридан ўрин олган дастлабки икки ўйиндаёқ сенсация гувоҳи бўлдик. Пойтахтнинг икки гранди Тошкент вилояти жамоалари билан очколарни бўлишдилар.

Бизга маълум бўлишича, бу йил олий лигада келишилган ўйинларга қарши жиддий кураш олиб борилади. Бу борада Мираброр Зуфарович ҳам ўзларининг сўнгги сўзларини айтиб ўтдилар:
- Ким шундай иш қилса, бутун умрга футболдан четлатаман!

Айтишларича, олий лигада юқори ўринлар учун кураш олиб борадиган жамоалар ва ОЧЛ учун ҳаракат қиладиган клублар бундан буён олий лига равнақи йўлида тўғри ўйнашга ваъда берганлар. Ваъдани эркак киши беради, ваъдага хиёнат эса номарднинг иши бўлади.

Шундай экан, клубларимизнинг барчаси ўз ваъдасида туришларини истаган бўлардик. Аммо пастки ўринларда юрадиган жамоалар бунга қандай қарашлари ҳозирча маълум эмас. Айнан пастки зоналарда юрадиган жамоалар, бугунги кунда урф бўлган "учга уч" услубидан фойдаланадилар. Яъни, ўз майдонида ғалаба қозониб, сафарда мағлубиятга учраб бериш.

Link :

Source : championat.asia

Receive latest football news directly on your phone. Subscribe for our Telegram channel!

Rating: