Эшитдик-да! ЎФА Лопесдан аввал икки испаниялик футзал мураббийи билан музокара олиб борган
21 sep 2023 15:03
News

Эшитдик-да! ЎФА Лопесдан аввал икки испаниялик футзал мураббийи билан музокара олиб борган

Хабарингиз бор, кеча ЎФА испаниялик таниқли футзал мураббийи Хосе Венансио Лопес билан шартнома имзолади.

Маълумотларга кўра, ЎФА Лопесдан аввал икки испаниялик мутахассис билан алоқага чиққан. Биринчиси — терма жамоа собиқ бош мураббийи Хосе Мария Мендес ҳисобланиб, ассоциация унинг "Бенфика" билан шу йилнинг март ойида шартномани бекор қилганидан сўнг биринчилардан бўлиб боғланган. Бироқ таклиф рад этилган.

Шунингдек, ташкилот август ойида "Бетис" бош мураббийи Бруно Гарсия билан битим тузишга уринган. Бироқ испан клуби 2024 йилгача имзоланган шартнома бандига ишора қилиб (унда мураббийнинг товон пули 250 минг евро этиб кўрсатилган), ҳар қандай музокарани рад этишини маълум қилган.

Бруно Гарсия учун Осиё мамлакатлари бегона эмас. У кўп йиллар давомида Вьетнам ва Япония футзал терма жамоаларига устозлик қилган.