Эшитдик-да! Нўъмон Ҳасанов ўзбек клубларидан бирига бош мураббий бўлишга яқин
15 apr 2022 16:23
News

Эшитдик-да! Нўъмон Ҳасанов ўзбек клубларидан бирига бош мураббий бўлишга яқин

"Навбаҳор" клуби собиқ устози Про лигада иш бошлашга яқин турибди.

Championat.asia сайти маълумотига кўра, Нўъмон Ҳасанов "Янгиер" жамоаси бошқарувини ўз қўлига олиши кутилмоқда. 10 апрель куни "Янгиер" бош мураббийи Бекзод Қодирқулов Ўзбекистон кубоги, 1-тури доирасидаги "Андижон"га қарши (1:3) баҳсдан сўнг ўз хоҳишига кўра истеъфога чиққан эди.

Нўъмон Ҳасанов 2021 йил март ойида, Суперлиганинг 1-туридан сўнг "Навбаҳор"дан кетгани бўйича ҳозиргача ишсиз эди. Катта эҳтимол билан, Ҳасанов 20 апрель куни Ўзбекистон кубоги доирасидаги "Сўғдиёна"га қарши баҳсда "Янгиер" бош мураббийи сифатида ишлайди.

Маълумот учун, "Янгиер" клуби Про лигада 5-турдан кейин 1та ғалаба ва 4та мағлубият қайд этган ҳолда, 3 очко билан 10та жамоа орасида 9-ўринни эгаллаб турибди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +12