Эшитдик-да! "Навбаҳор"га 1-давранинг энг чиройли голларидан бирини урган футболчи наманганликлар сафига ўтди

Клублар таркибни шакллантириш ишларини давом эттиришмоқда. Зеро, юртимизда трансфер ойнаси ёпилишига 2 кундан кам қолди.

Ёдингизда бўлса, Суперлига 5-турида "Навбаҳор" жамоаси ўз майдонида "Сўғдиёна"ни қабул қилган ва 1:2 ҳисобида имкониятни бой бериб қўйган эди. Ўшанда жиззахликлар таркибида ғалаба тўпини 90+2-дақиқада Дониёр Абдуманнопов киритганди. Ўнг қанот чизиғи ёнидан тепилган тўп Ўткир Юсупов устидан ошиб кутилмаган голга айланганди.

Самвел Бабаян ана шу Абдуманноповни "Навбаҳор" таркибига жалб этди. 21 ёшли вингер "лочинлар" таркибига бориб қўшилган ва 2-даврани "Навбаҳор" таркибида ўтказади.

Эслатиб ўтамиз, Дониёр "Сўғдиёна" таркибида 1-даврада 11та ўйин ўтказди ва 4та гол уришга муваффақ бўлди.

Дониёр Абдуманнопов: "Навбаҳор"га урган голимга яхшиси мухлислар таъриф берсин"