Эшитдик-да! "Ал Насср" кореялик футболчи билан муаммони ҳал қилгач Машарипов трансферини эълон қилади

Эшитишимизга қараганда Машарипов шу кунларда "Ал Насср" футболчиси сифатида таништирилади. Клуб жанубий кореялик Ким Жин Су билан юзага келган муаммони ҳал қилганидан кейин ўзбекистонлик футболчининг трансферини эълон қилади.

Маълумотларга кўра, "Ал Насср" Ким Жин Су билан шартномани бекор қилмоқчи. Кореялик футболчи 2020 йил 30 август куни "Насср" билан 2 йиллик шартнома тузганди. Бироқ ҳозиргача у Саудия Арабистони жамоасида 3тагина ўйинда майдонга тушди холос. 

Саудия Арабистони лигасида ҳар бир клуб 7 нафаргача легионер футболчини рўйхатдан ўтказа олади. Айни пайтда "Ал Насср" сафида Ким Жин Суни қўшганда 7 нафар хорижлик футболчи бор.