Эртанги қуръа ташлаш маросимида Сами Ал Жабер ва Парк Жи Сун қатнашади

“Mandarin Oriental” меҳмонхонасида бўлиб ўтадиган қуръа ташлаш маросими Тошкент вақти билан соат 13:30да бошланади. Унда 12 терма жамоа ЖЧ-2018 саралаши 3-босқичи учун ўз рақибларини билиб олишади. Жамоалар 6тадан икки гуруҳга бўлинган ҳолда ЖЧ-2018 финал босқичи йўлланмаси учун курашни давом эттирадилар. Қуръа ташлаш маросимида Осиёнинг машҳур футболчилари Сами Ал Жабер ва Парк Жи Сун қатнашишади.

"Жаҳон чемпионатига чиқиш ҳар қандай футболчининг орзуси ҳисобланади. Ишончим комилки барча 12 жамоа Россиядаги мундиалга бориш учун қўлларидан келган ишни қилишади", - дейди Жанубий Корея терма жамоаси собиқ ярим ҳимоячиси Парк Жи Сун.

Эслатиб ўтамиз, Ўзбекистон миллий терма жамоаси қуръа жараёнида Саудия Арабистони билан бирга 3-саватдан жой олади ва бу жамоа билан тўқнаш келмайди.

Биринчи саватча
Эрон ва Австралия

Иккинчи саватча
Жанубий Корея ва Япония

Учинчи саватча
Саудия Арабистони ва Ўзбекистон

Тўртинчи саватча
БАА ва Хитой

Бешинчи саватча
Қатар ва Ироқ

Олтинчи саватча
Сурия ва Таиланд