Latest news

23:31"Милан" "Брюгге"дан салкам 40 млнлик трансферни амалга оширди  0 23:25Сергей Лушчан: "Тенг кучли жамоалар кураши гувоҳи бўлдик"  1 23:15Расман: Томас Мюллер Канада клуби сафига бориб қўшилди  0 22:50Иван Бошкович: "Асосийси жамоамизда ўйин бор"  1 22:25"Бавария" Emirates билан 7 йиллик шартнома имзолади  0 22:00Суперлига. Дарвозаларга 6 та гол урилган оқшомда "Динамо" камбэк эвазига "Машъал"дан устун келди   27 21:30"Челси" ўз ярим ҳимоячисини таҳминан 30 млн фунтга сотди  0 21:10Суперлига. "Навбаҳор" ўз уйида "Сўғдиёна" билан дуранг ўйнади  40 20:49Нуньес "Ал Ҳилол" билан 2028 йилгача шартнома имзолайди. Трансфер суммаси ҳам маълум  3 20:25"Ўзимизнинг "тобуткаш" Кападзега имконият бериш керак" - Миржалол Қосимов МТЖга хорижлик мураббий олиб келиниши ҳақида  31 19:38ПСЖ Сафоновга у асосий дарвозабон бўлмаслигини маълум қилди  3 18:51Исак "Ньюкасл" машғулотларидан четлатилди. Нега?  3 17:48"Реал" собиқ футболчиси энди Машарипов ва Ашурматов билан бир жамоада ўйнайди  3 17:19"Реал"га яна "йўқ" дейишди  7 16:43Дамир Темиров: "Шацкихни бир сўз билан айтганда — топ мураббий"  9

“Эртанги кун спорти”. Ўзбекистон - Эрон 2:1 News

“Эртанги кун спорти”. Ўзбекистон - Эрон 2:1

Тошкент шаҳрида “Эртанги кун спорти” (Sport for tomorrow) номли футбол фестивалининг 2-тури якунланди.

Дастлабки турда Ўзбекистон Туркманистон устидан 5:1 ҳисобида устун келганди. Япония ва Эрон ўртасидаги баҳсда ҳисоб очилмаганди - 0:0.

Бугун 2-турнинг илк баҳсида Япония ўсмирлари Туркманистонни 1:0 ҳисобида мағлуб этишди.

Иккинчи ўйин Ўзбекистон ва Эрон ўртасида бўлиб ўтди. Учрашувнинг 11-дақиқасида форслар ҳужумчиси чиройли гол уриб ҳисобни очди - 0:1. Биринчи бўлимда Ўзбекистонда ҳисобни тенглаштириш учун бир қатор имкониятлар бўлди. Бироқ жавоб голи фақат иккинчи бўлим бошида урилди.

Расул Йўлдошевнинг ўнг қанотдан чап оёқда жарима майдонига узатиб берган ажойиб пасидан сўнг Абдунозир Абдураҳмонов Эрон дарвозасига тўп киритди - 1:1.

61-дақиқада Расул Йўлдошевнинг жарима майдонига узатган тўпини Абдунозир дарвозага йўллади, ҳимоячидан қайтган тўпни Шуҳрат Неъматов деярли бўш дарвозага жойлаб қўйди  - 2:1.

Учрашувнинг қолган дақиқаларида ҳисоб ўзгармади ва Ўзбекистон ўсмирлар терма жамоаси иккинчи ғалабани қўлга киритди.

Ўзбекистон U16 - Эрон U16 - 2:1

Голлар
: Абдунозир Абдураҳмонов 47, Шуҳрат Неъматов 61 - Намдари 11
 
Ўзбекистон U16: 12.Жасурбек Умрзоқов , 3.Шохзамон Хайруллаев (6.Мардон Абдуллаев, 25), 4.Ихтиёр Холдоров, 7.Остон Ўрунов, 8.Валерий Акопов (36.Шуҳрат Неъматов, 17), 9.Баҳром Соатов, 10.Расул Йўлдошев (23.Ғайрат Азизхўжаев, 89), 33.Асадбек Собиржонов (Бурхон Ҳасанов, 72), 16.Алфайзи Неъматов (32.Абдунозир Абдураҳмонов, 42) (14.Иброҳим Ғанихонов, 90) , 5.Абубакир Мўйдинов, 19.Ислом Каримов.

Эрон U16: 1.Эсмаили, 6.Шариати, 23.Ранжбар, 3.Эсмаилзода, 15.Садеги, 2.Давари, 7.Годарзи, 10.Намдари, 17.Гадери, 14.Гобеишави, 5.Муҳаммадалипур.
Захирадан тушганлар: Ғуломзода, Ҳуссайин Пур, Сардари, Али Пур, Шарифи.


4 март куни мусобақанинг сўнгги тури бўлиб ўтади. Ўзбекистон ва Япония учрашуви ғолиби мусобақа чемпиони бўлади.

4 март
11:00 Эрон U16 – Туркманистон U16
15:00 Ўзбекистон U16 – Япония U16



Эслатиб ўтамиз, Ўзбекистон ўсмирлар терма жамоаси сентябрь ойида Ҳиндистонда ўтадиган U16 Осиё чемпионатига тайёргарлик кўрмоқда. Эрон ва Японияга ҳам қитъа биринчилигига йўлланма олган.


Нарзулла Сайдуллаев


Rating: +10   

Comments

championat.asia
< show latest news
Яндекс.Метрика