Эртага U-23 Осиё чемпионатига қуръа ташланади

Эртага мазкур мусобақа учун қуръа ташлаш маросими ўтказилади. Ҳозирда иштирокчи жамоалар тўрттадан тўртта саватчага бўлиб чиқилган.

Амалдаги чемпион Япония ва 2013 йилги мусобақа ғолиби Ироқ биринчи саватчадан жой олган. Шунингдек, Хитой ҳам мусобақа мезбони сифатида автоматик равишда биринчи саватчага қўйилди. 

Ўзбекистон U-23 терма жамоаси эса 3-саватчадан ўрин эгаллади. Хабарингиз бор, бу мусобақада Равшан Ҳайдаров бошчилигидаги жамоа иштирок этади. Навбатдаги Осиё чемпионатида Малайзия билан Фаластин илк бор қатнашишади. Эртанги қуръа маросимида гуруҳлар, ўйинлар тақвими тўлиқ маълум бўлади. 

Қуйида саватчаларни келтириб ўтамиз: 

1-саватча - Хитой, Япония, Жанубий Корея, Ироқ

2-саватча - Қатар, Иордания, КХДР, Австралия

3-саватча - Ўзбекистон, Сурия, Саудия Арабистони, Таиланд

4-саватча - Вьетнам, Уммон, Фаластин, Малайзия