Эртага "Нефтчи" учта ўйин ўтказади

Қуйида эртагалик баҳслар ҳақида маълумот берамиз

"НЕФТЧИ" U-18'НИНГ ИЛК ЎЙИНИ

18 ёшгача бўлган жамоалар ўртасидаги Ўзбекистон чемпионати баҳслари старт олмоқда. Шерзод Зокиров бош мураббийлигидаги "Нефтчи" U-18 жамоаси чемпионатнинг биринчи турида Қаршининг "Насаф" жамоаси билан рақобат олиб боради. Мазкур беллашувга Қиргулидаги "Нефтчи" СК стадиони мезбонлик қилади. Ўйин соат 10:00да старт олади.  

АЁЛЛАР ФУТБОЛИ

Баходир Қосимов шогирдлари ғолибона руҳда галдаги турга яқинлашишмоқда. 19 май куни тушдан сўнг аёллар жамоамиз ҳам курашга кирашадилар. Соат 15:00га "Нефтчи" - "Бухоро" ўйини белгиланган. Ушбу учрашув ҳам Қиргулидаги стадионда ўтказилади.

ФУТЗАЛЧИЛАРИМИЗ УЧУН МУҲИМ ЎЙИН

Мусобақа жадвали етакчилари билан кетма-кет тўқнаш келаётган футзалчиларимиз бу гал "Пахтакор"ни Фарғонада қабул қилишади. АГМК майдонидан битта ғалаба ва битта мағлубият билан қайтган Фаррух Зокиров шогирдларини жиддий беллашув кутмоқда. Агар фарғоналиклар "Пахтакор" футзалчиларидан очко олишса, турнир жадвалида юқорилаш учун янада яхши имкониятга эга бўлишади. "Нефтчи" - "Пахтакор" ўйини "Нефтчи" футбол мактабининг залида соат 18:00да бошланади.

Жамоаларимизга бўлажак баҳсларда омад тилаш билан биргаликда, миллионлар ўйини мухлисларни ушбу учрашувларга чорлаб қоламиз!!!

"Нефтчи" матбуот хизмати