Эртага "Локомотив" стадионига келадиган мухлислар учун ифторлик ташкил қилинади
15 apr 2021 22:53
News

Эртага "Локомотив" стадионига келадиган мухлислар учун ифторлик ташкил қилинади

"Локомотив" ПФК барча мусулмон аҳлини муборак Рамазон ойи билан қутлайди.

Хабарингиз бор, эртага ТТЗдаги "Локомотив" стадионида Суперлиганинг 6-туридан ўрин олган "Локомотив" - "Бунёдкор" учрашуви бўлиб ўтади. Тошкент дербиси мақомига эга ушбу баҳс ниҳоятда қизиқарли кечиши кутилмоқда.

Эртага ўйинни кузатиш мақсадида стадионимизга ташриф буюрадиган рўзадор мухлислар учун "Локомотив" футбол клуби томонидан ифторлик ташкил қилинади. Шунингдек, танаффус пайтида ишқибозларнинг намоз ўқиб олишлари учун стадионда қулай шароит яратилмоқда.

Эслатиб ўтамиз, "Локомотив" - "Бунёдкор" учрашуви соат 18:15да бошланади. Эртага, 16 апрель куни ифторлик вақти соат 19:06да.

"Локомотив" стадионига ташриф буюринг ва ажойиб футбол спектакли гувоҳи бўлинг.

"Локомотив" ПФК матбуот хизмати.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +22