Эртадан "Odil Junior"да италиялик мутахассислар иш бошлайди
13 aug 2018 15:21
News

Эртадан "Odil Junior"да италиялик мутахассислар иш бошлайди

Италиянинг профессионал клубларидан бири бўлган "Карпи" жамоаси билан шартномага эга "Odil Junior" жамоаси бугун италиялик меҳмонларини кутиб олади.

"Карпи" футбол академиясида 5-12 ёшли футболчилар билан ишлайдиган икки нафар мутахассис 13 август куни Милан - Тошкент рейси билан юртимизга учиб келади.

Икки ҳафта давомида мураббийлар ёш тарбияланувчилар билан машғулотларда иштирок этиб, мураббийларни теоретик билимларини оширишга ҳаракат қиладилар.

"Dolce Italia" ва "Tudor" савдо белгиси билан ҳамкорликда ўтказиладиган тадбир якунида икки нафар танлаб олинган футболчи февраль ойида "Карпи" академияси кўригидан ўтади. Бу 2007 ва 2006 йилларда таваллуд топган футболчилар бўлади.

Қисқа фурсат ичида "Odil Junior" жамоаси пойтахтнинг энг ектакчи болалар футбол клубига айланди. Айни пайтда клубнинг 2006-2012 йилларда таваллуд топган футболчилар ўз ёш тоифаларида пойтахт футболида жиддий рақобатчига айланиб улгурдилар. 2006, 2008, 2010, 2011 ва 2012 йилда тавалллуд топган футболчилар эса етакчилар қаторида. 2007 йилда таваллуд топган футболчилар пойтахт грандларини ҳам секин асталик билан ортда қолдира бошлаяптилар. 2009 йилда таваллуд топган футболчилар иш фаолиятида кескин ўзгариш бўлди ва Дилшод Нуралиев бош мураббий этиб тайинланди.

Энди "Odil Junior" клубининг бош жамоасига кўрикдан ўтган футболчилар қабул қилинади ва энг яхшилар бепулга машғулот олиб борадилар.

КЛУБНИ ТЕЛЕГРАМДА КУЗАТИНГ - ODIL JUNIOR