Эрон ва Уругвай ўртасидаги ўртоқлик ўйини бекор қилинди

Эрон ва Уругвай ўртасида ўтказилиши кутилган ўртоқлик учрашуви бекор қилинди. Эрон футбол федерацияси вакили Алави буни қуйидагича изоҳлади:

"Ўртоқлик ўйини борасида тўлақонли келишувга эришилганди, аммо Уругвай футбол федерацияси ҳомийси ФИФА қоидаларига зид равишда ўйинни Малайзия ва Куала-Лумпурда ўтказишни талаб қилган. ФИФА ўртоқлик ўйинларини муҳокама қилишда қитъани ўзгартириш масаласини кўтармоқда ва федерациянинг турли бўлинмалари ФИФА вакиллари билан маслаҳатлашганига қарамай, халқаро федерация якунда Эрон-Уругвай ўйинини Малайзияда ўтказишга эътироз билдирмади ва агар ўйин бекор қилинса, эронлик футболчиларга нисбатан интизомий иш қўзғатилишини таъкидлади. Шу боис Уругвай билан ўртоқлик учрашуви бекор қилиниб, бошқа вақтга қолдирилди".

Эслатиб ўтамиз, Уругвай 13 октябрь санасида Малайзияда Ўзбекистон билан ўртоқлик учрашуви ўтказади.