Эрон Ўзбекистон билан ўйинни 19 майга белгилади
09 apr 2018 08:27
News

Эрон Ўзбекистон билан ўйинни 19 майга белгилади

Жаҳон чемпионатига тайёргарлик кўраётган Эрон миллий терма жамоаси май ойида Ўзбекистонга қарши ўртоқлик учрашуви ўтказади.

Дастлаб Эрон май ойида иккита ўртоқлик учрашуви ўтказишни белгилаб қўйганди. Аммо 11 май куни бўлиб ўтиши кўзда тутилган Эрон - Сурия баҳси бекор қилинди. Бунга сабаб термага номзод кўплаб футболчиларнинг Осиё чемпионлар лигасида муваффақиятли иштирок этаётгани.

Эрон футбол сайтларининг ёзишича, энди ўйин фақат Ўзбекистон билан бўлади ва мазкур учрашув 19 май куни Теҳрондаги "Озоди" стадионида ўтказилади. Қизиғи шундаки, янги чиқарилган Суперлига тақвимида Эрон - Ўзбекистон баҳси 17 май деб ёзилган. Аммо эронликлар ўйин 19 май куни бўлади деб ёзмоқда.

Агар мазкур ўртоқлик учрашуви ростан ҳам 19 май куни ўтказиладиган бўлса, унда Суперлига тақвимида яна ўзгариш юзага келиши мумкин. Чунки бизда 20-21-22 май кунлари Суперлигада 12-тур учрашувлари қўйилган.

Link :

Source : tehrantimes.com

Receive latest football news directly on your phone. Subscribe for our Telegram channel!

Rating: +5