Эрон ўртоқлик ўйинида Индонезияга 5та гол урди, Саудия Арабистони Фаластин билан дуранг ўйнади

Форслар рақибларини аямади, 5:0.

Индонезия - Эрон 0:5

Голлар: Саман Годдос (3), Рузбех Чешми (22), Шахрияр Моганоглу (36), Меҳди Гаеди (70, 87).

Қайд этиш керак, Эрон термаси сўнгги 12 ўйинда фақатгина бир марта дуранг ўйнади (Ўзбекистонга қарши). Амир Галенои қўл остидаги Эрон Осиё Кубоги гуруҳ босқичини Фаластинга қарши ўйин билан бошлайди. Баҳс 14 январь куни бўлиб ўтади. Шунингдек, гуруҳдан Гонконг ҳамда БАА термалари ҳам ўрин олган.

Гуруҳида Вьетнам ҳамда Япония термалари Индонезия эса 15 январда Ироққа қарши майдонга тушади.

Эътиборимиздаги иккинчи учрашувда эса Саудия Арабистони ҳамда Фаластин термалари ўзаро куч синашишди. Унда томонлар гол уришмади ва нурсиз дуранг қайд этишди. 

Саудия Арабистони эртага Гонконг термасига қарши ўртоқлик баҳсида майдонга тушади. Саудлар ОК-2023да Ўмон, Қирғиз Республикаси ҳамда Таиланд билан бир гуруҳдан ўрин олган.

Фаластин эса Эрон, БАА ва Гонконг билан бир гуруҳда кураш олиб боради.