Эрон ФФ президенти: “Кейруш билан шартнома узайтирилади”
17 jul 2014 16:49
News

Эрон ФФ президенти: “Кейруш билан шартнома узайтирилади”

Эрон футбол федерацияси миллий терма жамоа устози Карлуш Кейруш билан шартномани узайтирадиган бўлди.

Португалиялик мураббийнинг амалдаги шартномаси ЖЧ-2014 охиригача эди. Маълумки, форслар гуруҳ босқичида Аргентина, Нигерия ва Боснияга қарши баҳс олиб бориб, бир очко тўплаб гуруҳда охирги бўлишди. Шунга қарамай, футбол федерация раҳбари Али Кафашиан мураббийнинг шартномаси узайтирилишини маълум қилди.

Карлуш Кейруш янги таклиф тушмагани боис Эрондан кетмоқчи бўлиб юрганди, бироқ яқин орада ҳаммаси ҳал бўладиган бўлди. Кейруш учта жамоа билан жаҳон чемпионатида қатнашган мураббий ҳисобланади: ЖАР, Португалия ва Эрон. У яна ЖАРга қайтишни мўлжаллаб турганди, бироқ Эрон футбол федерацияси президенти мураббий билан гаплашиб олгач, унга янги шартнома таклиф қилди.

Link :

Source : championat.asia

Receive latest football news directly on your phone. Subscribe for our Telegram channel!

Rating: