Эрнесто Вальверде: "Месси "Боруссия"га қарши ўйинда ажойиб ўйнади"

Учрашувда аргентиналик 1та гол уриб, 2та ассист ижро этди.

"Менинг фикримча, биз энг кучли гуруҳдамиз ва муддатидан олдин турнирнинг плей-офф босқичига чиқишга муваффақ бўлдик. Квартетда биринчи ўринда бўлишимизга аминмиз. Энди олдинга қараб интилишимиз керак. 

Биз Месси ва Гризманн ўртасидаги муносабатлар ҳақида кўп гаплашамиз. Яхши ўйинчилар ҳар доим келишиб олишади ва вақт ўтиши билан улар бир-бирларини яхшироқ тушунишади. Лео ва Антуаннинг муносабатлари кўпинча Мессининг Суарес билан бўлган муносабати билан таққосланади. Бироқ, Луис беш йилдан бери жамоа билан бирга. Ушбу ўйинда Месси ҳақида ҳеч нарса деб бўлмайди - у шунчаки ажойиб эди. Месси ҳар доимгидек қойилмақом тўп тепди", - дейди Вальверде.

Бу аргентиналикнинг Чемпионлар лигасида мағлубиятга учратган 34-рақиби бўлди. Месси ушбу кўрсаткич бўйича "Ювентус" ҳужумчиси Криштиану Роналду ва "Реал"нинг собиқ ўйинчиси Раулни ортда қолдириб, рекордчи бўлди.