Эркин Жабборов: “Бугун бизни ғалабадан бошқаси қониқтирмайди”

Учрашув олдидан мезбонлар посбони Эркин Жабборов ўз фикрларини билдирди.

— Охирги турда “Нефтчи” Фарғонада чемпионат етакчиларидан бири “Насаф” билан жанговор дуранг ўйнаганидан яхши хабардормиз, — дейди Эркин Жабборов. — Биз эса маълум сабабларга кўра, ўтган турда дам олдик. Шу боис, навбатдаги ўйин олдидан жиддий тайёргарлик кўришимиз учун вақт етарли бўлди, деб биламан. Таркибимизда жиддий йўқотишлар йўқлиги, жамоадошларимнинг кайфияти аъло эканлиги бизни ҳужумкор ўйин намойиш қилишга ундаши талбиий, албатта.
 Қолаверса, биз биринчи давранинг охирги уй учрашувида майдонга тушамиз. Бугун бу ўйинда бизни ғалабадан бошқаси қониқтирмайди.

“Қизилқум” ПФК Матбуот хизмати.