Эральдо Чинарига асосий даъвогар Ўзбекистон жамоаси маълум

Максим Шацких жамоаси ҳозирда албаниялик футболчи билан музокараларга киришган.Агар келишув амалга ошса, футболчи иккинчи даврани "Андижон" сафида бошлайди.

Аввалроқ, футболчига "Насаф" қизиқиш билдиргани ҳақида хабар берилганди. Бироқ кейинчалик томонлар ўртасидаги музокара ижобий якунланмагани ҳақида маълумотлар тарқалганди.

Маълумот учун, Эральдо Чинари ўтган мавсум "Ноа" сафида Арманистон чемпионатида ғалаба қозонганди. Футболчининг ўзи жамоа сафида 26 та учрашувда майдонга тушиб, 14 та гол урган ва яна 9 та голга ассист қайд этган.

Трансфермаркт нашри 28 ёшли футболчини 700 минг еврога баҳоламоқда.