EPLMANAGER ғолиби: "Samsung Galaxy S7 EDGEни қўлга киритишда бир сўм ҳам ишлатганим йўқ

"FC ABS" жамоаси билан Осиё Очиқ Чемпионатида ғалабага эришган Абдулбоис Турсуновга ўз соврини (Samsung Galaxy S7 EDGE) топширилди ва у билан кичик суҳбат уюштирдик.

- Авваламбор сизни табриклаймиз ва биринчи навбатда барчани қизиқтираётган саволга жавоб берсангиз. Бунча очко йиғиш учун қанча пул сарфаладингиз?

- Мен бу совринни қўлга киритишда бир сўм ҳам ишлатганим йўқ. Рўйхатдан ўтганингизда сизга 200 танга берилар экан. Ўша маблағнинг ярмини яъни 100 тангани биринчи турда Златан Ибрагимовични супер-капитан қилиш учун ишлатдим (ўша турда Ибрагимович гол+пас муаллифига айланди). Совринли лиганинг сўнгги турида (4-тур) Ромелу Лукаку учун яна 100 танга ишлатдим (суперкапитан). Бельгия терма жамоасининг ўйинини кўрган эдим. Лукаку ўша баҳсда ўзини яхши кўрсатди ва таваккал қилиб уни суперкапитан қилдим.

- Қайси жамоа мухлисисиз?

- Ҳеч қайси жамоанинг ишқибози эмасман, мен чиройли футбол тарафдориман.

- EPLMANAGER ҳақида қаердан билдингиз?

- 2016 йилнинг августида Mytube.uz сайтидаги рекламани кўриб қолдим.

- Сиз Осиё Очиё Чемпионати ғолибига айландингиз. Нималарни ҳис қиляпсиз?

- Буни сўз билан тушунтириб бера олмайман.

- Ушбу совринли лигада энг паст кўрсаткичингиз қандай бўлди?

- Тўғриси эсимда йўқ. 1000-ўриндан ҳам пастга тушдим. "Сандерленд" - "Эвертон" ўйинидан олдин 233-ўринда эдим.

- Кейинги совринли лигаларда ҳам иштирок этасизми ёки бошқаларга имкон берасизми?

- Кейинги лигаларда ҳам албатта иштирок этаман.

- Сўнгги турда қайси футболчини алмаштирдингиз?

- "Челси" форварди Диего Коста ўрнига "Эвертон"дан Ромелу Лукакуни харид қилдим.

- Ғолиб бўлганингизни қачон билдингиз?

- "Сандерленд" - "Эвертон" ўйини куни Бобомникида эдим. Ушбу ўйин кеч бошланиши туфайли ухлашга қарор қилдим. Эрталаб уйғондим ва тезда EPLMANAGERга кирдим. Қарасам мен биринчи ўринда... Кейин "ЮТДИМ, ЮТДИМ" деб бақира бошладим. Уйдагилар эса ҳеч нарсани тушунмай "Нимани ютдинг" дейишди. Телефоннинг моделини ва унинг нархини ҳам айтдим. Бобом онамни чақириб, мен билан сиз айтган манзилга бориб келишни сўрадилар. Мана қаршингиздамиз.

Абдулбоис Турсуновнинг эски ва янги телефони (чапда Samsung Galaxy S2, ўнгда Samsung Galaxy S7 EDGE)

Сиз ҳали ҳам бу ўйиндан рўйхатдан ўтмадингизми? Шошилинг, EPLMANAGERдаги янги совринли лигада SAMSUNG смартфонларининг энг қиммат моделлари ўз эгаларини кутиб турибди.