Эндрю Робертсон елкасидан олган жароҳати сабаб операция қилиниши мумкин

"Ливерпуль" футболчиси Эндрю Робертсон узоқ муддатга сафдан чиқиши мумкин. Ҳимоячи Шотландия терма жамоасининг Испанияга қарши ўйинининг биринчи бўлимидан сўнг алмаштирилди. 

The Times нашрининг ёзишича, инглиз клуби футболчини тиббий кўрикдан ўтказган ва ҳозирда жавоб кутмоқда. Анализ жавобларига қараб, Робертсонни операция қилиш керак ёки йўқ маълум бўлади. Робертсон операция қилинадиган бўлса, у 3-4 ойга сафдан чиқиши мумкин. 

Маълумот учун, Робертсон АПЛда саккизта ўйинда майдонга тушиб, битта гол киритишни уддалади.