Эмилиано Мартинес Мбаппени иккинчи маротаба троллинг қилди
21 dec 2022 08:30
News

Эмилиано Мартинес Мбаппени иккинчи маротаба троллинг қилди

Қатардаги мундиал финалида Францияга қарши баҳсда қаҳрамонлардан бирига айланган Эмилиано Мартинес Килиан Мбаппенинг устидан кулишда давом этмоқда.

Буэнос-Айресдаги чемпионлик паради вақтида Аргентина ТЖ кипери қўлида Мбаппенинг хафа бўлган ҳолатдаги расми туширилган қўғирчоқни ушлаб олганди. Мартинес финалдан кейин кийим алмаштириш хонасидаги хурсандчилик вақтида ҳам французни троллинг қилганди. У “Килианнинг ҳаракати учун бир дақиқалик сукут сақлаймиз”, деб айтган.

Эслатиб ўтамиз, Мбаппе аргентиналиклар қарши баҳс давомида хет-трикка эришди ва пенальтилар сериясида ҳам Мартинесни доғда қолдирди.

Аввалроқ, “Астон Вилла” посбони тақдирлаш маросими вақтида нега ноўрин “жест” қилганини тушунтирганди.