Элдорбек Суюновнинг "қуруқ" серияси 406 дақиқага етди
13 aug 2015 12:55
News

Элдорбек Суюновнинг "қуруқ" серияси 406 дақиқага етди

Қаршининг “Насаф” клуби олий лиганинг охирги учта ва кубок доирасидаги битта ўйинда ўз дарвозасидан умуман тўп олиб чиққани йўқ.

Жамоа посбони Элдорбек Суюнов сўнгги бор 14-турда “Пахтакор” билан учрашувда гол ўтказиб юборганди. Ўша баҳснинг 44-дақиқасида Игорь Сергеев томонидан киритилган тўпдан кейин ҳеч ким “Насаф” дарвозасини ишғол қила олгани йўқ. “Аждарлар” “Пахтакор” билан ўйиндан сўнг “Машъал” (3:0), “Андижон” (1:0) ва “Олмалиқ” (2:0) каби жамоаларни таслим қилишди.

Бундан ташқари, кеча жамоа Ўзбекистон кубоги ярим финали доирасида "Локомотив"ни 2:0 ҳисобида мағлуб этди. Бу ўйинни ҳам қўшиб ҳисоблаганда Суюновнинг “қуруқ серияси” 406 дақиқага етди.

Қаршиликлар кейинги ўйинни 16 август куни “Қўқон-1912”га қарши сафарда ўтказишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3