Элдор Суюнов: “Охиригача даволанмасам жароҳатим жиддий бўлиши мумкин”
07 feb 2017 10:58
News

Элдор Суюнов: “Охиригача даволанмасам жароҳатим жиддий бўлиши мумкин”

ОЧЛ “плей-офф” ўтиш босқичида “Ал Хидд” жамоасига қарши учрашувдан олдин Қаршининг “Насаф” жамоаси асосий таркиб дарвозабони Элдор Суюнов туркиядаги йиғинда жароҳат олганди.

Футболчи “Ал Фатеҳ”га қарши сафардаги иккинчи “плей-офф” ўйинида ҳам майдонга тушмаслиги маълум бўлди ва Тошкентда қолди.

“Жамоа билан Саудия Арабистонига бормадим, жароҳатим борлиги туфайли Тошкентда қолдим. ОЧЛ мусобақасида жамоадошларимга ёрдам бера олмаётганимдан афсусдаман. Қачон сафга қайтишим аниқ эмас. Оёғимда бироз оғриқ бор, насиб қилса ички чемпионат баҳсларига қадар сафга қайтсам керак. Ҳозирча жароҳатим у даражада жиддий эмас дейишди. Йилни шу тарзда бошлаганимдан бироз хафа бўлдим. Лекин бу тақдир, пешонага ёзилганидан қочиб қутулиб бўлмас экан. Агарда охиригача даволанмасам жароҳатим жиддий бўлиши мумкин. “Ал Фатеҳ”га қарши учрашувда жамоадошларимга омад тилайман”, - дейди “Насаф” клуби посбони Элдор Суюнов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +11