Элдор Шомуродов: "Асосийси гол эмас, муҳими ғалаба"

"Осиё Кубогидаги биринчи ўйин бўлганлиги учун барчада ҳаяжон билинди. Лекин қийин бўлса ҳам ғалабага эришдик. Бундан барча хурсанд. Худо хоҳласа кейинги баҳсда бундан яхшироқ ўйнашга ҳаракат қиламиз", - деб гап бошлади Элдор Шомуродов.

- Учрашув тугашига 5 дақиқа қолганида захирадан тушдингиз. Купер сизга нимадир дедими?
- Биринчи тўпга югур, имкон қадар яқинроқ ўйнади деб айтди.

- Гол урилган вазият ҳақида нима дея оласиз?
- Икром менга пас берди, бу шунчаки ўйиндаги вазият бўлди. Муҳими гол эмас, муҳими ғалаба.

- Осиё Кубогидаги дебют учрашувида гол урдингиз...
- Тўғриси бу ҳақда ўйламадим. Лекин ғалаба қозонганимиздан хурсандман.

- Кейинги баҳс Туркманистон билан. Бугун қўшниларимиз Япония билан деярли тенгма-тенг ўйнашди...
- Туркманистон ҳам яхши жамоа эканлигини кўриниб турибди. Лекин бугун илк учрашувда ютиб олдик, ўйлайманки кейинги баҳсда бундан яхшироқ ўйнаймиз.

Нарзулла Сайдуллаев Шаржа шаҳридан