Элдор Сакаев: "Футбол халқ учун, мухлислар учун"
21 apr 2021 22:52
News
![](https://championat.asia/upload/storage/632840_original.jpg)
![](/upload/storage/632840_220.jpg)
Элдор Сакаев: "Футбол халқ учун, мухлислар учун"
Ўйин ҳақида
- Бугун қийин ўйин бўлишини билгандик. Йигитлардан миннатдорман, улар бугун характер кўрсата олишди. Бизни қўллаб-қувватлаган мухлисларга ҳам катта раҳмат айтаман. Улар чиндан ҳам бугун бизга далда бўлишди.
- Жамоа бугун идеал ўйин кўрсатди деб айта оласизми?
- Идеал ўйин кўрсатиш учун жуда кўп меҳнат қилиш керак. Ҳар қандай жамоа рақибнинг кучидан келиб чиқиб ўйинга тайёргарлик кўради. Вазиятлардан унумли фойдаландик, демак бугун йигитлардан миннатдорман.
- "Янгиер" кубок учрашувларида Суперлига клубларига қарши ўйнайди. Бу жамоалар қанчалик ўрганиб чиқилди?
- Биз ҳар доим машғулотларда жиддий ишлаймиз, ғалаба учун тайёргарлик кўрамиз. Суперлига ва Про-лиганинг даражасида фарқ бор албатта. Футбол бу буюк ўйин, миллионлар ўйини. Футбол халқ учун, мухлислар учун. Улар қайси жамоалар майдонда тўқнаш келишидан қатъий назар томошабоп футбол томоша қилишни исташади.
- Навбатдаги рақиб "Металлург" ҳақида нималарни айта оласиз?
- Биз "Металлург" билан сафарда ўйнаймиз. Албатта жиддий ва кучли рақиб. Шундан келиб чиқиб тайёргарлик кўрамиз. Ҳеч қачон рақибга ютқазамиз деб майдонга тушмаймиз. Ҳар қандай жамоа билан ўйнаса бўлади. Бугунги ўйин энди тарихга айланди. Олдиндаги учрашувларга жиддий ҳозирлик кўришимиз керак.
- "Янгиер" жамоаси уйдаги ўйинларда икки ёки уч ҳужумчи билан ўйнаш вариантини кўриб чиқаяптими?
- Биз мураббийлар штаби билан турли вариантларни мунтазам муҳокама қилиб борамиз. Режамизда кўпроқ ҳужумкор ўйин услубини шакллантириш. Йигитлар биз истаган ўйин услубини намойиш этиб бораётганликлари учун миннатдорчилик билдираман. Бугунги ғалаба билан клубимиз аъзолари, футболчилар ва мухлисларимизни табриклайман.
Similar news
![AMP Logo](https://championat.asia/image/logo-amp.png)
Comments