Элбек Тўлқинов: "3-турда ўз олдимизга қўйилган вазифани бажардик"

Жиззахликлар ҳужумчиси Элбек Тўлқиновнинг ўтказилган баҳслар бўйича фикрларига қулоқ тутдик.

"3-тур баҳслари осон ўтди дея олмайман. Ўзига яраша қийин бўлди. Ўйлашимча, "Пахтакор" билан баҳс бироз қийин кечди. 2-бўлимда ўз даражамизда ўйнаб, муваффақият қозондик.

Тур ўйинлари жамоамиз учун яхши ўтди. Олдимизга қўйилган вазифани уддалаб, 9 очкони қўлга киритдик. Асосийси, шу.

Менимча, 4-5-тур ўйинларида АГМК ва БМБ билан баҳслар кўп нарсани ҳал қилса керак. Лекин олдиндан бир нима дея олмайман. Ҳамма нарса бўлиши мумкин. 

Мавсум давомида тўпурар бўлиш ҳар бир хужумчининг орзуси. Лекин мен тўпурар бўлишга катта аҳамият бермайман. Муҳими, жамоамиз билан чемпионликни қўлга киритмоқчимиз. Шунга қараб ҳаракат қиламан, қолганини вақт кўрсатади", – дея сўзини якунлади Тўлқинов.