Эфиопия варианти ўхшамади, энди "Навбаҳор", "Металлург" ва "Олмалиқ" билан ўйнаймиз

Демак, бугундан терма жамоа аъзолари пойтахтда йиғилишади ва 9 кунлик ўқув-йиғин машғулотларни бошланади. Мана шу йиғин доирасида Африканинг Эфиопия миллий терма жамоасига қарши ўртоқлик учрашуви бўлиб ўтиши лозим эди. Лекин маълум бўлишича, эфиопияликлар бизга рад жавобини беришибди. Уларнинг режаси бошқача экан.

Аммо қойил қолиш керак, Терма жамоалар маркази рад жавобни эшитиб шошиб қолгани йўқ, балки тезда вазиятдан чиқиб кетиш чораларини излаб топди. Хавотир олманглар, терма жамоамиз ўртоқлик ўйинисиз қолиб кетмайди. Балки шу 9 кун ичида учта назорат баҳсини ўтказади. Рақиблар ҳам анойилардан эмас: "Навбаҳор" (22 июль), "Металлург" (24 июль) ва "Олмалиқ" (28 июль).

Ҳозирча терма жамоамизнинг мазкур йиғинда иштирок этадиган таркиби расман эълон қилингани йўқ.

Норасмий таркиб эса анча олдин сайтимизда эълон қилинганди.