Эдвин ван дер Сар келаси ҳафтада шифохонадан чиқарилиши мумкин

Эслатиб ўтамиз, "Манчестер Юнайтед", "Аякс" ва Нидерландия термасининг собиқ посбони июль ойининг бошида миясига қон қуйилиши сабабли шифохонага ётқизилганди. У узоқ вақт давомида интенсив терапия бўлимида бўлди.

Энди собиқ футболчининг ўзи бошқа бўлимга ўтказишаётганини маълум қилди.

"Энг аввало, мени қўллаб туриб, хабарлар юборганларга катта раҳмат айтаман. Шуни қувонч билан маълум қилмоқчиманки, ҳозир интенсив терапия бўлимида эмасман. Аммо ҳали ҳам шифохонадаман.

Умид қиламанки, келаси ҳафтада уйимга қайтаман", - деб ёзади посбон.

52 ёшли ван дер Сар май ойи охирларида "Аякс" бош директорлиги курсисини бўшатганди.