Эдин Жеко: "А Сериядаги ўрнимизга қараб мухлислар бизни ЕЧЛдан анча эрта чиқиб кетади деб ўйлаганди"

"Хотиржамликни ҳис қиляпман. Олдимизда бизни икки жанговар ўйин кутиб турибди.

Италия ва Миландагилар бир шаҳарнинг икки жамоаси ЕЧЛ ярим финалида ўзаро тўқнаш келишидан ғурурланиши керак. "Интер" "Интер" каби ўйин кўрсатиши керак, айниқса, ЕЧЛда. Жуда яхши жамоалар тўсиғидан ўтиб, ярим финалгача келдик.

А Сериядаги ўрнимизни кўриб, мухлислар бизни ЕЧЛдан эрта чиқиб кетса керак деб ўйлашганди. Бироқ биз ўз мақсадларимиз сари дадил илдамлаймиз ва бунга етишмагунча тўхташ ниятимиз йўқ.

"Милан" - кучли жамоа, улар ярим финалга чиқишга лойиқ эдилар. Тасаввур қиляпман, иккала жамоа ҳам финалга чиқиш учун борича ҳаракат қилмоқдалар.

"Милан" бизни яхши билади, биз ҳам уларни яхши биламиз. Уларни мағлуб этиш учун бизда имкониятлар етарлича", - деди Жеко.