Эдегор "Реал"да қолишни хоҳлаганди. Аслида нима бўлганди?

Норвегиялик жамоа устози Карло Анчелотти билан шахсий суҳбатдан сўнг кетишга қарор қилди.

Анчелотти уни суҳбатга чақирди. У Мартинга ўрта чизиқда унинг позициясида 8 нафар ижрочи бор эканлигини ва рақобатда ютиш учун ҳаракат қилиш кераклигини айтди. Футболчи итальян мутахассисининг сўзларини нотўғри талқин қилиб, уларни Мадридни тарк этишга чақириқ деб билди. Мураббийлар штаби хавбек билан хайрлашишни хоҳламаган, шунчаки уни асосий ўйинчи сифатида кўрмаган.

Бу воқеадан сўнг, Эдегор дарҳол отаси ва агенти билан боғланиб, унга янги жамоа топишни сўради. Кеча, "Арсенал" ярим ҳимоячининг трансферини эълон қилди.