Latest news

23:32U-17 Жаҳон чемпионатига қуръа ташланди. Ўзбекистон "J" гуруҳидан жой олди  10 23:14Туркия Суперлигаси. "Ризеспор" меҳмонда сенсацион тарзда "Бешиктош"ни таслим этди, Алиқулов сўнгги дақиқаларда майдонга туширилди  0 23:00Суперлига. "Динамо" 90+8-дақиқада камбэк эвазига "Қизилқум"ни мағлуб қилди  38 22:52"Атлетик" — "Барселона". Ла Лигада мавсумнинг сўнгги ўйини учун таркиблар маълум  1 22:48А Серия. Сўнгги тур ўйинлари учун таркиблар маълум, Шомуродов "Рома" сафида асосий таркибда майдонга тушади  12 22:11ҚПЛ. "Турон" ўз уйида "Тобол"га мағлуб бўлди, мезбонлар сафида уч ўзбекистонлик ҳаракат қилди  0 22:06АПЛда 2024/25 йилги мавсум якунланди, МЮ сўнгги турда "Астон Вилла"ни ЧЛсиз қолдирди  41 21:58Суперлига. "Пахтакор" 90+8 дақиқада урилган автогол эвазига "Хоразм"ни мағлуб этди  94 21:16БАА Про лигаси. "Ал Батаеҳ" ўз уйида "Ал Ваҳда"га мағлуб бўлди, Ғаниевдан ассист, Эркинов эса захирадан ўйинга қўшилди  1 20:40Суперлига. “Навбаҳор” яна гол ёмғирини ёғдирди — бу сафар “Қўқон-1912” таслим этилди  21 19:54"Ланс" собиқ бош мураббийи Уилл Стилл Англия клубига бош мураббий этиб тайинланди  2 19:02Ла Лига. "Атлетико" ўйиннинг сўнгги қисмида "Жирона"ни тор-мор келтирди, Сорлотдан хет-трик. Мадрид клуби мавсумни учинчи ўрин билан якунлади  1 18:16Муҳим беллашувга оз қолмоқда. Терма жамоа йиғинига ким қайси вақтда етиб келади?  8 17:47"Интер" 27 млн евролик трансферни амалга ошириши мумкин  0 17:13"Наполи" Аллегрига бир мавсум учун 6 миллион евро таклиф қилиши мумкин  0

ЕЧЛ давом этади. Бугун "Барселона" "Рома"ни янчиб ташлайдими? (Превью) News

ЕЧЛ давом этади. Бугун "Барселона" "Рома"ни янчиб ташлайдими? (Превью)

Бугун Европа чемпионлар лигасининг чорак финал учрашувлари давом этади.

"Барселона" - "Рома"
Чоршанба, 23:45. "Камп Ноу".
Бош ҳакам: Данни Маккелли (Голландия).
Дисквалификациялар: йўқ
Жароҳатланганлар: Динь - Карсдорп, Ундер.

Ўтган ойда 1/8 финалда "Челси" мағлуб этилганидан кейин "Барселона" турнирнинг чорак финалига кетма кет 11-марта етиб келиб, рекорд қайд этди. Албатта, улар "Рома" билан жуфтликнинг фаворитлари ҳисобланишади. Мезбонлар бош мураббийи журналистларга бундай эмаслигини, барчаси майдонда ҳал бўлишини айтди.

Келинг, икки томоннинг ҳам турнирдаги йўлини бир эслаб ўтамиз. "Барселона" гуруҳдан қийинчиликларсиз ўтиб олди ("Ювентус", "Спортинг", "Олимпиакос"). 6 баҳснинг тўрттасида ғалаба қозонган жамоа, иккитасида дуранг ўйнади. Фақатгина бир марта гол ўтказиб юборди. 1/8 финалда эса "Челси" мусобақадан чиқариб юборилди (сафарда 1:1, уйда 3:0).

"Рома" ҳам гуруҳни етакчи сифатида якунлади. Улар ҳам "Челси" билан баҳс олиб борди (Римда 3:0, Лондонда 3:3). Шунингдек, "Атлетико" ва "Қорабоғ" каби жамоалар билан ҳам куч синашишди. Плей-оффнинг илк раундида римликлар "Шахтёр" билан кураш олиб боришди. Дастлабки учрашувда 1:2 ҳисобида мағлуб бўлган "Рома" ўз майдонида минимал ҳисобдаги ғалабага эришди.

"Рома"нинг чорак финалгача етиб келиши - сюрприз эмас. Уларнинг гуруҳ босқичидаги учрашувларига назар солсангиз, жамоа жуда яхши ўйин намойиш этган. А Серия жамоаси ўз гуруҳидаги катта рақобатни енгиб ўта олишди. Қизиқарли ўйин бўлишини кутяпман", - деди Вальверде ўйиндан олдин.

"Барселона"нинг жисмоний ҳолати Рим жамоасига қараганда бироз кучлироқдек кўринмоқда. Улар сўнгги бора январь ойида Испания кубоги доирасида "Эспаньол"га мағлуб бўлган ва шундан кейинги 17 учрашувда ютқазмаган. "Барселона" 2013 йилнинг сентябрь ойидан бери еврокубокларда ўз майдонида мағлуб бўлмаяпти (23 ғалаба, 2 мағлубият).

Вальверде жамоасининг олдинги учрашувида "Севилья"га мағлуб бўлишига оз қолганди, бироқ жамоа 88 ва 89-дақиқаларда гол уриб, мағлубиятдан қутулиб қолганди. Жамоа қутқарувчилари - Месси ва Суарес бўлганди.

Ички чемпионатда "Рома"нинг ишлари яхши эмас. Жамоа 3-ўринни эгаллаб турибди ва 2-ўриндаги "Наполи"дан 14 очкога ортда қолмоқда. Ди Франческо жамоаси А Сериянинг 30-тури доирасида "Болонья" билан учрашувда ғалабага эриша олмади.

"Ҳар доим айтганман, жамоамда характер кучли. Бироқ олдимизда жуда кучли жамоа билан учрашув бор. Икки томон ҳам ифодали ўйин намойиш этишга интилади. "Барселона"га қарши ўйинда ўзимизни кўрсата олишимиз керак. Агарда "Рома" ўзининг энг яхши футболини кўрсата олса, хоҳлаган рақибини мағлуб эта олади", - деди Ди Франческо.

ТАХМИНИЙ ТАРКИБЛАР

ТОМОНЛАРНИНГ ЎЗАРО СЎНГГИ УЧРАШУВИ

"Барселона" (Испания) - "Рома" (Италия) 6:1

Испания. Барселона. "Камп Ноу". 71 433 томошабин.

Бош ҳакам: Жунейт Чақир (Туркия) 

Голлар: Суарес 15, Месси 18, Суарес 44, Пике 56, Месси 59, Адриано 77 - Жеко 90+1

"Барселона" (Испания): тер Штеген, Вермален, Альба, Алвес, Пике (Бартра 57), Роберто (Адриано 64), Ракитич, Бускетс (Сампер 46), Суарес, Неймар, Месси 

Бош мураббий: Луис Энрике 

"Рома" (Италия): Шесни, Динь, Манолас, Майкон, Рюдигер, Флоренци (Ванкёр 58), Найнгголан (Итурбе 46), Кейта, Пьянич (Учан 75), Фальке, Жеко 

Бош мураббий: Руди Гарсия 

Огоҳлантиришлар: Пике 41, Алвес 57, Месси 63 - Ванкёр 62 

Амалга оширилмаган пенальтилар: Неймар 77 - Жеко 82.

ЎЗАРО ЎЙИНЛАР

Жамоалар ўзаро 4 ўйин ўтказишган. Унда томонлар биттадан ғалабага эришишган. 2 учрашувда дуранг қайд этилган. Голлар уришда "Барселона" етакчи - 8:6.

2002 йил 20 февраль. "Барселона" - "Рома" 1:1

2002 йил 26 февраль. "Рома" - "Барселона" 3:0

2015 йил 16 сентябрь. "Рома" - "Барселона" 1:1

2015 йил 24 ноябрь. "Барселона" - "Рома" 6:1

ФАКТЛАР

- "Барселона" 2013 йилнинг сентябрь ойидан буён еврокубокларда "Камп Ноу"да мағлуб бўлмаяпти. 23 ғалаба ва 2 дуранг қайд этган жамоа 77 гол уриб, 12 тўп ўтказиб юборган.

- "Барселона" бу мавсум ЕЧЛнинг 8 учрашувида мағлуб бўлмади. Тўплар фарқи - 13:2.

- 2002/03 йилги мавсумдан буён "Барселона" ўз майдонида Италия жамоаларига мағлуб бўлмаяпти (икки ғалаба ва уч дуранг).

- Эдин Жеко "Рома"нинг 12 голидан 55 фоизида иштирок этган (4 гол, 2 ассистентлик).

- Месси Италия жамоаларига қарши ўтган 19 учрашувнинг 12тасида гол киритган. У "Рома"га қарши 2 ўйинда майдонга тушган ва 2 дарвозани ишғол этган.

- Суарес "Рома"га 3 гол урган. У ўзининг сўнгги 10 учрашувида 7 тўп киритишга эришди.


Rating: +22   

Comments

championat.asia
< show latest news
Яндекс.Метрика