ЕЧЛ. “Боруссия” – “Зенит” ўйинини Мальенко бошқаради
17 mar 2014 19:01
News

ЕЧЛ. “Боруссия” – “Зенит” ўйинини Мальенко бошқаради

Европа Чемпионлар лигасининг 1/8 финали доирасидаги Дортмунднинг “Боруссия” ҳамда Санкт-Петербургнинг “Зенит” (илк ўйин – 4:2) жамоалари ўртасидаги жавоб учрашуви ҳакамлари эълон қилинди.

Ўйинни Альберто Ундиано Мальенко бошчилигидаги испаниялик ҳакамлар бригадаси бошқариб боришади.

Жорий мавсумда Мальенко питерликларнинг “Пасуш” (4:2) клубига қарши кечган ўйинини бошқаришга улгурган. Шунингдек, Альберто Россия ва Арманистон (2:0) терма жамоалари ўртасидаги ўртоқлик ўйинида ҳам ҳакамлик қилган.

Таъкидлаш жоиз, Мальенко 23 март, якшанба оқшомида ўтказиладиган Испания Ла-лигаси 29-тури доирасидаги Эл-Классикони ҳам бошқаради. Шу куни “Реал” “Сантьяго Бернабеу” стадионида “Барселона”ни қабул қилади.

Link :

Source : sports.ru

Receive latest football news directly on your phone. Subscribe for our Telegram channel!

Rating: