Дрогба УЕФА Президенти томонидан махсус мукофот билан тақдирланади

Манбага кўра, “Челси” ва Кот-д'Ивуар термасининг собиқ форварди Дидье Дрогба Александер Чеферин қўлидан махсус мукофотни қабул қилиб олади.

Ташкилот раҳбари Дрогбани “футбол ва ҳаётда мукаммалликка интилганлиги учун” номли соврин билан тақдирлайди.

42 ёшли Дидьега мукофот 1 октябр куни Женевада бўлиб ўтадиган ЕЧЛ 2020/21 йилги мавсум гуруҳ босқичига қуръа ташлаш маросими вақтида топширилади.

Аввалроқ, ушбу номга Бобби Чарльтон, Эусебио, Раймон Копа, Йохан Кройфф, Франческо Тотти, Дэвид Бекхэм ва Эрик Кантона каби футболчилар ҳам сазовор бўлишган.