"Дрейк лаънати" давом этмоқда
15 apr 2019 15:58
News

"Дрейк лаънати" давом этмоқда

Машҳур канадалик рэпер Дрейк футбол мухлиси эканлигини кўпчилик яхши билади.

Сўнгги бир ой ичида рэперга боғлиқ қизиқ воқеалар рўй бермоқда. У билан суратга тушган футболчиларнинг жамоаси мағлубиятга учраяпти.

Ҳаммаси 11 мартда бошланди. Ўша куни Погба Дрейк билан суратга тушди ва "Манчестер Юнайтед" 16 мартда (Англия Кубоги доирасида) "Вулверхэмптон"га мағлуб бўлди.

Кейинги футболчи Пьер-Эмерик Обамейянг бўлди. Обамейянг 2 апрель куни "Инстаграм"га рэпер билан тушган суратини жойлади. 7 апрелда "Арсенал" "Эвертон"га ютқазиб қўйди.

"Лилль" - ПСЖ учрашувидан сўнг "Дрейк лаънати" ҳали ҳам ишлаётгани исботланди. Париж клуби ушбу баҳсда 1:5 ҳисобида мағлуб бўлди. Қайси футболчи рэпер билан суратга тушган дейсизми?